Fran Beltrán

Fran Beltrán, mediocentro madrileño de 1,65 m, naceu o 3 de febreiro de 1999 (26 anos). Chegou ao Celta en 2018 procedente do Rayo e o seu contrato actual conclúe o 30 de xuño de 2026. O seu valor de mercado sitúase en 8 millóns de euros.

Ao que parece, Fran Beltrán non quere renovar. É un rapaz que sempre dá a cara e cumpre, iso non se lle pode discutir. Pero se de verdade queremos dar un salto de calidade, quizais sexa o momento de buscar un mediocentro cun nivel algo superior, con máis criterio e capacidade para mover o equipo con pases longos e precisos.

O de Fran Beltrán xa cansa. É un xogador que leva anos xogando máis do que debería simplemente porque o Celta ten unha carencia brutal no medio do campo. Non é diferencial, non cambia partidos, e por momentos parece que está aí máis por falta de competencia que por méritos propios.

Agora encima quere cobrar máis… ¿máis por que? ¿Polo esforzo? Iso debería vir de serie en calquera profesional. Non pode seguir vivindo do conto de que "sempre cumpre". Cumprir non abonda. Se queremos dar un salto como equipo, hai que deixar de premiar a xogadores que serían suplentes noutros clubs con aspiracións serias.

Pasaron xa varios adestradores e todos acabaron poñéndoo a xogar. É certo que ten limitacións, pero é un loitador nato, e diso imos moi escasos nesta plantilla. Non se esconde, corre, presiona e mete a perna cando hai que metela. Non será o xogador máis vistoso nin o que marque diferenzas técnicas, pero o seu compromiso e entrega tamén suman, e moito, nun equipo como o noso.