J2 Mallorca - Celta — Partidos do Celta

Celestino · 31/07/2025 10:40 · #msg42

Na xornada 2, o RC Celta visitará ao RCD Mallorca. O partido está programado para o sábado 23/08/2025 ás 10:00 (hora provisional). As datas e os horarios poden modificarse; este fío irase actualizando con máis información a medida que estea dispoñible.

Celestino · 22/08/2025 09:42 · #msg303

Baixas do Mallorca contra o Celta

De cara ao partido do sábado en Son Moix (23/08 - 17:00h), o Mallorca chega con varias ausencias importantes:

Muriqi → sancionado tras a expulsión contra o Barça.
Morlanes → tamén sancionado, dobre amarela no último encontro.
Samu Costa → dúbida por unha contusión no xeonllo.
Iván Cuéllar → molestias no xeonllo, tamén en dúbida.

🔵 Pola nosa parte, lembrade que Starfelt é baixa confirmada no Celta.

Celestino · 22/08/2025 18:22 · #msg305

Aquí tes a lista de convocados e as baixas do RC Celta para o partido contra o RCD Mallorca.

Lista de Convocados

O adestrador do Celta, Claudio Giráldez, convocou a 24 xogadores para o encontro no Estadi Mallorca Son Moix.

A lista completa é a seguinte:

Porteiros: Iván Villar, Radu, Marc Vidal.

Defensas: Óscar Mingueza, Sergio Carreira, Marcos Alonso, Mihailo Ristic, Carlos Domínguez, Yoel Lago, Javi Rueda.

Centrocampistas: Ilaix Moriba, Fran Beltrán, Manu Fernández, Damián Rodríguez, Bryan Zaragoza, Miguel Román, Williot Swedberg, Hugo Sotelo, Javi Rodríguez.

Dianteiros: Borja Iglesias, Ferran Jutglà, Iago Aspas, Pablo Durán, Jones El-Abdellaoui.

Baixas

O equipo vigués viaxa a Mallorca con catro ausencias notables:

Carl Starfelt: O defensa central é baixa por lesión. Sofre unha rotura de grao I no bíceps femoral da súa perna esquerda.

Hugo Álvarez: O canteirán non viaxa debido a que aínda se atopa débil tras superar un proceso gripal.

Joseph Aidoo: Fóra da convocatoria por decisión técnica.

Franco Cervi: Do mesmo xeito que Aidoo, non entra nos plans do adestrador para este partido e queda fóra da lista por decisión técnica.

C

Coira · 23/08/2025 11:50 · #msg309

A pesar das baixas, hoxe levamos os 3 puntos en Son Moix: 0–1 para o Celta.

Revivo · 23/08/2025 11:52 · #msg310

1–2 para o Celta! Marcan Iago Aspas e Durán.

Celestino · 23/08/2025 13:57 · #msg311

Celestino · 23/08/2025 15:42 · #msg312

GoooLLLl de Javi Rueda !!!

Celestino · 23/08/2025 17:09 · #msg313

Aquí vos deixo un pequeno resumo do partido de hoxe contra o Mallorca, que rematou con táboas no marcador (1-1). Un resultado que, sinceramente, deixa un sabor de boca agridoce.

O equipo adiantouse na primeira metade cun gol de Javi Rueda, tras unha boa asistencia de Hugo Sotelo. Parecía que tiñamos o partido onde queriamos, controlando lixeiramente a posesión e chegando con certo perigo.

Na segunda parte, o Mallorca apretou e buscou o empate con insistencia. Nós, pola nosa parte, non soubemos pechar o partido e pagámolo caro. Cando xa case acariciabamos os tres puntos, Mateu Morey marcou para o Mallorca, poñendo o 1-1 definitivo. Incluso houbo un momento de tensión cunha revisión do VAR por un posible gol local, pero a decisión inicial mantívose.

A nivel de estatísticas, aínda que tivemos máis o balón, eles remataron máis veces a porta. Houbo tamén varios cartóns amarelos para ambos equipos, incluíndo a Iago Aspas e Hugo Sotelo, pero sen ningunha expulsión.