Ilaix Moriba — Primeiro equipo

Celestino · 30/07/2025 19:27 · #msg13

Ilaix Moriba, centrocampista guineano de 1,85 m, naceu o 19 de xaneiro de 2003 (22 anos). Tras a súa cesión en Girona, o RC Celta fíxose cos seus dereitos no verán de 2025, asinando un contrato ata o 30 de xuño de 2029. O seu valor de mercado ronda os 6 millóns de euros.

Ratko · 10/08/2025 09:08 · #msg192

O de Ilaix Moriba onte foi unha exhibición. Estivo en todas: roubando balóns, presionando alto, iniciando xogadas e dando sempre unha saída limpa desde atrás. Deulle un ritmo e unha intensidade ao medio que facía tempo que non se vía, e fixo que o Wolves apenas puidese combinar con comodidade.

Se mantén este nivel, vai ser un xogador clave. Xa sabemos que ten físico, pero onte tamén se lle viu cabeza: elixiu ben cando soltar o balón e cando conducir, e iso no seu xogo é medio camiño andado. En resumo, un dos mellores do partido, sen discusión.

Celestino · 15/09/2025 07:42 · #msg339

O centrocampista guineano achegou o seu habitual despregamento físico e a súa capacidade para gañar disputas no centro do campo. O seu traballo na contención foi importante para frear as transicións do Girona. Non obstante, estivo menos acertado co balón nos pés, con algunhas perdas de balón que xeraron situacións de perigo para o rival.