Pouco que engadir ao xa dito. Non as teño visto moito polo streaming e é a primeira vez que as vexo en directo, así que esta que vou emitir é unha opinión de primeira impresión, con todo o que iso significa.
Un equipo, o delas, traballado e con plan, baseado na combinación. Hai velocidade, capacidade táctica e xogo. Pero falta físico, supoño que porque é un filial con xente nova. Nós, pois todo o contrario. Baseamos todo na forza, que é outra maneira de xogar tan válida coma a delas para obter resultados. Pero tácticamente faltan moitos principios básicos, o cal é preocupante a estas alturas. Esquecemos que no fútbol non funciona iso de que a liña recta é o camiño máis corto para chegar ao destino. Faltan aperturas, desdobres e reseteos para recomezar a xogada máis limpamente. Sempre miramos cara arriba e cara ao centro. Da igual do lugar do campo no que esteamos nin se hai ou non a quen darlla cun mínimo de limpeza. O automatismo e largala para arriba e, se se pode, para o centro. Había veces en que a xogada pedía desdobre do lateral e aí non había ninguén. Salvo ao final do partido, que fixemos dano pola dereita, por habilidade, e pola esquerda, por forza, case non fixemos aperturas.
Para mín, elas foron bastante mellores e mereceron a victoria. Lástima que fose dese xeito. A 6 e a 9 delas, moi boas. No noso bando, destacaría a 20 por calidade e a 17 por coraxe e forza. Lara e Pescatore, creo que eran.
