J1 Celta - Getafe

📅 Data: sábado 17 de agosto
🕔 Hora: 17:00
🏟️ Estadio: Abanca Balaídos

Despois dun verán de cambios e moitas expectativas, o Celta volve á carga coa estrea na Liga fronte ao sempre complicado Getafe. Este primeiro partido non é un máis: é o punto de partida dun proxecto no que a afección ten depositadas moitas esperanzas.

Getafe CF afronta o inicio de liga ante o Celta con varios movementos no mercado de verán. Entre os fichaxes destacan Juanmi Jiménez, que chega procedente do Betis por 1,2 millóns de euros, e Davinchi, defensa adquirido do Recreativo por arredor de 600.000 euros. Tamén reforzaron o medio do campo con Javi Muñoz, libre desde Las Palmas, e Yvan Neyou, que chega sen custo desde o Leganés.

Completan as altas o lateral Kiko Femenía (Villarreal), o extremo Álex Sancris (Burgos), o mozo Adrián Liso (cedido polo Zaragoza), Mario Martín (cedido polo Real Madrid), e o central Abqar (libre desde o Alavés).

En canto ás baixas, deixaron o club xogadores como Carles Pérez, que regresou ao Celta tras cesión, Ramón Terrats, Álvaro Rodríguez e Bertuğ Yıldırım, tamén tras rematar as súas cesións. Ademais, remataron contrato Allan Nyom, Yellu Santiago, Juan Bernat e Jonathan Silva.

Eu contra o Getafe espero ver un once con Iván Villar baixo paus, Mingueza e Starfelt no centro da defensa, Ristić pola esquerda e Hugo Álvarez pola dereita. No medio, Beltrán e Ilaix para dar equilibrio, e arriba Aspas, Ferran Jutglà e Bryan Zaragoza para acompañar a Borja Iglesias como referencia.

🔵⚪ Previa Celta–Getafe (Xornada 1)

Alineación confirmada do RC Celta para o partido de hoxe en Balaídos!

Moito dominio, si, pero sen claridade ningunha arriba. A posesión é nosa, pasamos ben o balón, pero o problema é que non pasamos dos tres cuartos con perigo real. Sen profundidade nin último pase, así é difícil facerlle dano ao Getafe. Hai que darlle unha volta a iso se queremos algo máis que tocar e tocar.

Está claro que o Getafe non quere o balón, é o seu guión de sempre. Déixanos mover a pelota, acumulan xente atrás e esperan o erro para saír ao contragolpe. En defensa son serios, intensos, e con pouco xa che crean perigo. Se non lles rompemos esas liñas cun pouco máis de velocidade, van facer o seu partido perfecto.

Seguimos cos mesmos vicios do ano pasado… cando un equipo se nos pecha atrás non sabemos que facer. Movemos o balón, tocamos de lado a lado, pero sen ideas para abrir espazos nin sorprender. É desesperante porque xa o vimos moitas veces, e parece que non aprendemos a xogar contra rivais que defenden con todo atrás.

Minuto 47: Adrián Liso adianta ao conxunto madrileño nada máis comezar a segunda metade. O Celta, que dominara a primeira parte en posesión, vese agora por detrás no marcador (0-1) e terá que remar para darlle a volta ao partido.

O debut ligueiro en Balaídos deixou mal sabor de boca. O Celta dominou a posesión (69%) e xerou máis pases (564 fronte a 257), pero faltou claridade arriba e acerto nas poucas ocasións claras que houbo.

A defensa fixo augas nas dúas accións clave. Non pode ser que Uche gañe todos os duelos a Lago e Rodríguez, parece que xogamos en brando.

Aspas segue sendo o único que tira do carro. O resto, ou desaparecidos ou a medio gas. Non podemos depender dun xogador de 38 anos.

Giráldez tivo tempo para preparar o debut e saímos con posesión estéril, sen plan B. Bordalás con medio equipo suplente pasounos por riba en eficacia.

Bryan entrou e puxo chispa, pero tarde. O equipo non ten velocidade polas bandas, e iso fronte a un Getafe replegado é un suicidio.