J6 Celta - Real Betis — Partidos do Celta

Celestino · 31/07/2025 10:40 · #msg46

O RC Celta recibe ao Real Betis en Balaídos na xornada 6 da LaLiga 2025-26. O encontro está previsto para o mércores 27/08/2025 ás 14:00 (hora provisional). As datas e os horarios poden variar. Este fío irase actualizando conforme haxa novas informacións sobre o partido.

Celestino · 27/08/2025 19:00 · #msg315

O Celta xa confirmou o equipo que sae de inicio esta noite en Balaídos (21:00h).

Este é o once celeste:

Radu na portería
Javi Rodríguez, Yoel Lago, Ristic e Mingueza na defensa
Hugo Sotelo, Ilaix Moriba e Hugo Álvarez no medio do campo
Pablo Durán, Borja Iglesias (c) e Swedberg en ataque

Partido importante para seguir sumando, cun once cheo de xente da casa e debut oficial de Borja Iglesias como capitán.

Celestino · 27/08/2025 19:01 · #msg316

Bajas no Real Betis

O equipo sevillano chega á cita co seguinte listado de ausencias oficiais:

Pau López (contusión na rodilla)
Isco Alarcón
Ez Abde
Nelson Deossa
Marc Roca
Diego Llorente

Ademais, Pau López está en dúbida mesmo ata ao último momento. Se finalmente non está, o seu lugar será ocup ado por Álvaro Valles, que foi o que máis minutos coleccionou na pretempada.

Baja no RC Celta de Vigo

O Celta tan só presenta unha baixa confirmada:

Carl Starfelt (rotura muscular no bíceps femoral, ausencia estimada de 3–4 semanas)

Balaidos · 27/08/2025 21:45 · #msg317

Boas a todos. Visto o partido de hoxe, quédome cunha sensación agridoce.

A primeira parte foi bastante frouxa, a verdade. O Betis tivo máis control e custounos moito xerar xogo. Víaselle vir que, se non nos poñiamos as pilas, ía caernos un gol, e así foi coa cabezada de Bartra xusto antes do descanso. Un gol psicolóxico que fixo dano.

A segunda metade foi outra historia completamente distinta. O equipo saíu con outra cara, moito máis enchufado e proactivo. O gol de Hugo Álvarez nada máis comezar foi clave e unha auténtica marabilla. A partir de aí, fomos donos do partido e o Betis apenas nos inquedou.

Tivemos ocasións para levar os tres puntos, pero entre a falta de puntaría e algunha boa parada do seu porteiro, non puido ser.